ക്വാലാലംപൂര്: മലേഷ്യക്കാരിയായ പ്ലേബോയ് മോഡല് ഇസ്ലാം മതം സ്വീകരിച്ചു. രാജ്യമെങ്ങും ആരാധകരുള്ള ഫെലിക്സിയ യീപ്പ് ആണ് പുതിയ ജീവിത മാര്ഗമായി ഇസ്ലാം സ്വീകരിച്ചത്. കുത്തഴിഞ്ഞ ജീവിതത്തിന് പേരുകേട്ട മക്കാവു ദ്വീപിലെ ഒരു ക്ലബ്ബില് 'പ്ലേബോയ് ബണ്ണി' ആയിരുന്ന ഫെലിക്സിയയുടെ മതംമാറ്റത്തിന് സാക്ഷ്യം വഹിക്കാന് നൂറുകണക്കിന് ആരാധകര് മേലാവതി നഗരത്തിലെ ഹിദായത്ത് സെന്ററിലെത്തിയിരുന്നെങ്കിലും മറ്റൊരു കേന്ദ്രത്തില് വെച്ചാണ് അവര് ശഹാദത്ത് (സാക്ഷ്യം) സ്വീകരിച്ചത്. പിന്നീട് ഫേസ്ബുക്കിലൂടെ ഇക്കാര്യം അവര് വെളിപ്പെടുത്തുകയായിരുന്നു.നിരീശ്വരവാദിയായിരുന്ന താന് പല മതവിശ്വാസങ്ങളും പരീക്ഷിച്ച ശേഷമാണ് ഇസ്ലാം തെരഞ്ഞെടുത്തതെന്നും ദൈവവുമായി തന്നെ അടുപ്പിച്ച മതം ഇതാണെന്നും ഫെലിക്സിയ നേരത്തെ വ്യക്തമാക്കിയിരുന്നു: 'രണ്ടു വര്ഷത്തോളം ഞായറാഴ്ചകളില് ഞാന് കത്തോലിക്കാ ചര്ച്ചുകളില് പോകാറുണ്ടായിരുന്നു. ക്രിസ്തുമതത്തെ മനസ്സിലാക്കാന് ഞാന് ശ്രമം നടത്തി. പിന്നീട് കുവാന് യിന്നിനെയും മറ്റും ആരാധിച്ച് ജീവിതത്തിന്റെ അര്ത്ഥം കണ്ടെത്താനും ശ്രമിച്ചു. പിന്നീട് ഞാന് ബുദ്ധമത ആചാരങ്ങളും പരീക്ഷിച്ചു. എന്നാല് എന്റെ മനസ്സ് ഒരിക്കലും ദൈവത്തോട് അടുത്തില്ല. ഇന്ന് എന്റെ ജീവിതത്തില് നിര്ണായകമാണ്. ഇസ്ലാമാശ്ലേഷണം പുനര്ജന്മം പോലെയാണ്. ഇത്തവണ എന്റെ ജന്മദിനം റമസാന് അഞ്ചിനാണ് എന്നതും ആകസ്മികമാണ്'.
ശനിയാഴ്ച, ഓഗസ്റ്റ് 29, 2015
ഹജ്ജിനു സേവകരാക്കാമെന്ന് വാഗ്ദാനം ചെയ്ത് കോടികള് തട്ടി !!
കോഴിക്കോട്: ഹജ്ജിനു സന്നദ്ധ സേവകരാക്കാമെന്ന് വാഗ്ദാനം ചെയ്ത് കോടികള് തട്ടിയതായി പരാതി. മലബാറിലെ വിവിധ ജില്ലകളില് നിന്നായി തൊള്ളായിരത്തോളം പേരാണ് തട്ടിപ്പിനിരയായത്. പാസ്പോര്ട്ടും 20000 രൂപയുമാണ് ഒരാളില് നിന്ന് ഈടാക്കിയത്. ഇടനിലക്കാര് കൂടിയ ചിലയിടങ്ങളില് ഇത് 25000ഉം 30000വുമാണ് വാങ്ങിയത്.ക്ലീനിംഗ് ജോലിക്കൊപ്പം ഉംറക്കും അവസരം നല്കുമെന്നതായിരുന്നു പ്രലോഭനം. മക്കയില് നിന്ന് മടങ്ങുമ്പോള് 45000രൂപ തിരികെ ലഭിക്കുമെന്നും വാഗ്ദാനമുണ്ട്. ഹജ്ജാജികള്ക്ക് സേവനം ചെയ്യാനുള്ള അവസരം ലഭിക്കുന്നതായ വാര്ത്ത വേഗത്തില് പരക്കുകയും കൂട്ടത്തോടെ ആവശ്യക്കാരെത്തുകയായിരുന്നു. ഒന്നിേലറെ ട്രാവല് ഏജന്സികളുടെയും ഒട്ടേറെ ഇടനിലക്കാരുടെയും കൈവശമാണ് പണവും പാസ്പോര്ട്ടും ഏല്പിച്ചത്. മലബാര് മേഖലയിലുള്ള ഇടനിലക്കാര് മുഖ്യമായും മുക്കം സ്വദേശി ജാബിറിന്റെ കൈവശമാണ് പാസ്പോര്ട്ടും പണവും നല്കിയത്.
ഞായറാഴ്ച, ഓഗസ്റ്റ് 09, 2015
ഷേവിംഗ് ചെയ്യുന്നത് അനിസ്ലാമികമെന്ന് ഫത്വ !!
ദേവ്ബന്ദ്: ഷേവിംഗ് ചെയ്യുന്നത് അനിസ്ലാമികമെന്ന് ദേവ്ബന്ദ് ദാറുല് ഉലൂമിന്റെ ഫത്വ. മറ്റൊരാളുടെ താടി സമുദായത്തിലെ ഒരാള് ഷേവ് ചെയ്യുന്നതും വിശ്വാസത്തിന് എതിരാണെന്ന് ഫത്വ പറയുന്നു. ഉത്തര്പ്രദേശിലെ ശഹരണ്പൂരില് ബാര്ബര് ഷോപ്പ് നടത്തുന്ന മുഹമ്മദ് ഇര്ഷാദ്, മുഹമ്മദ് ഫുര്ഖാന് എന്നിവരുടെ അപേക്ഷ പരിഗണിച്ചാണ് ഇന്ത്യയില് ഇസ്ലാം മത വിശ്വാസികളുടെ പരമോന്നത പണ്ഡിത സഭകളിലൊന്നായ ദേവ്ബന്ദ് ദാറുല് ഉലൂമിന്റെ ഫത്വ.
ബുധനാഴ്ച, ഓഗസ്റ്റ് 05, 2015
തിങ്കളാഴ്ച, ഓഗസ്റ്റ് 03, 2015
ശരിഅത്ത് മാര്ഗത്തില് മ്യൂച്വല് ഫണ്ടിലുമുണ്ട് അവസരം !!
ഓഹരി വിപണിയില് നേരിട്ട് നിക്ഷേപത്തിന് സമയമില്ലാത്തവര്ക്ക് മ്യൂച്വല് ഫണ്ടുകള് തിരഞ്ഞെടുക്കാവുന്നതാണ്. മ്യൂച്വല് ഫണ്ടുകളിലും സമ്പൂര്ണ ശരിഅത്ത് അധിഷ്ഠിത ഫണ്ടുകള് ഇന്ന് ലഭ്യമാണ്. ടാറ്റാ എത്തിക്കല് ഫണ്ട്, ടോറസ് എത്തിക്കല് ഫണ്ട് എന്നിവയാണ് ഇതില് പ്രധാനപ്പെട്ടത്.
ടാറ്റാ മ്യൂച്വല് ഫണ്ടിന്റെ എത്തിക്കല് ഫണ്ട് (ഠമമേ ഋവേശരമഹ എൗിറ) 2011 സപ്തംബറിലാണ് സമ്പൂര്ണ ശരിഅത്ത് അധിഷ്ഠിത ഫണ്ടായി മാറിയത്. അതിന് മുമ്പ് ടാറ്റ സെലക്ട് ഇക്വിറ്റി ഫണ്ട് എന്ന പേരിലായിരുന്നു അറിയപ്പെട്ടിരുന്നത്. ടി.സി.എസ്., എച്ച്.സി.എല്. ടെക്നോളജീസ്, ആല്സ്റ്റോം, മാരുതി സുസുക്കി, ബ്രിട്ടാനിയ എന്നിവയാണ് ഈ ഫണ്ടിന്റെ ശേഖരത്തില് ഏറ്റവുമധികമുള്ള ഓഹരികള്. 5,000 രൂപയാണ് ചുരുങ്ങിയ നിക്ഷേപം. കഴിഞ്ഞ ഒരു വര്ഷത്തിനിടെ, 24 ശതമാനം റിട്ടേണ് ആണ് ഈ ഫണ്ട് നിക്ഷേപകര്ക്ക് നല്കിയത്.
ടോറസിന്റെ എത്തിക്കല് ഫണ്ട് (Taurus Ethical Fund) രാജ്യത്തെ ആദ്യ സമ്പൂര്ണ ശരിഅത്ത് അധിഷ്ഠിത മ്യൂച്വല് ഫണ്ടാണ്. ഈ ഫണ്ടിന്റെ ശേഖരത്തില് ഏറ്റവുമധികം നിക്ഷേപമുള്ളത് മാരുതി സുസുക്കി, ഇന്ഫോ എഡ്ജ്, ഇന്ഫോസിസ്, കണ്ടെയ്നര് കോര്പ്പറേഷന്, ഒ.എന്.ജി.സി. എന്നീ ഓഹരികളിലാണ്. 2009ല് തുടങ്ങിയ ഈ ഫണ്ട് ഇപ്പോള് 24.44 കോടി രൂപയുടെ ആസ്തി കൈകാര്യം ചെയ്യുന്നു. ഈ ഫണ്ടിലെ നിക്ഷേപകര്ക്ക് കഴിഞ്ഞ ഒരു വര്ഷത്തിനിടെ 21.9 ശതമാനം നേട്ടമുണ്ടായി.
ഈ രണ്ട് മ്യൂച്വല് ഫണ്ട് പദ്ധതികള്ക്കും പുറമെ, ഗോള്ഡ്മാന് സാക്സിന്റെ എക്സ്ചേഞ്ച് ട്രേഡഡ് ഫണ്ടും (ഇ.ടി.എഫ്.) ഉണ്ട്, ശരിഅത്ത് മാര്ഗത്തിലുള്ള നിക്ഷേപത്തിന്. ഗോള്ഡ്മാന് സാക്സ് സി.എന്.എക്സ്. നിഫ്റ്റി ശരിഅ ബീസ് ഫണ്ട് (Goldman Sachs CNX Goldman Sachs CNX BeES) എന്ന പേരിലാണ് ഇത്. ബെഞ്ച്മാര്ക്ക് മ്യൂച്വല് ഫണ്ടിന്റേതായിരുന്നു ഈ പദ്ധതി. ബെഞ്ച്മാര്ക്കിനെ ഗോള്ഡ്മാന് സാക്സ് ഏറ്റെടുത്തതോടെയാണ് ഫണ്ടിന്റെ പേര് മാറിയത്. കഴിഞ്ഞ ഒരു വര്ഷത്തിനിടെ 12.3 ശതമാനം റിട്ടേണ് നല്കി ഈ ഇ.ടി.എഫ്.
ഈ മൂന്ന് പദ്ധതികളില് ഒതുങ്ങുന്നതല്ല, ശരിഅത്ത് അധിഷ്ഠിത മ്യൂച്വല് ഫണ്ട് നിക്ഷേപ അവസരങ്ങള്. ബാങ്കിങ്, ധനകാര്യ സേവനം, മദ്യം, സിഗരറ്റ്, പന്നിയിറച്ചി, വിനോദം എന്നീ മേഖലകളിലെ ഓഹരികളില് നിക്ഷേപമില്ലാത്ത സമ്പൂര്ണ ഓഹരി അധിഷ്ഠിത ഫണ്ടുകള്, സെക്ടറല് ഫണ്ടുകള് എന്നിവയും മുസ്ലിങ്ങള്ക്ക് നിക്ഷേപിക്കാവുന്ന മാര്ഗങ്ങളാണ്. എന്നാല് ഇവയില് തന്നെ 1012 ശതമാനം വരെ ഹറാമായ മേഖലകളില് നിക്ഷേപിക്കാന് സാധ്യതയുണ്ട് എന്നതിനാല് ഇത്തരം ഫണ്ടുകളിലെ നിക്ഷേപത്തിലൂടെ കിട്ടുന്ന വരുമാനത്തിന്റെ 1012 ശതമാനം പാവപ്പെട്ടവര്ക്കോ യത്തീംഖാനകള് (അനാഥമന്ദിരങ്ങള്) ക്കോ സദഖ (ദാനം) യായി നല്കണമെന്ന് മുസ്ലിം പണ്ഡിതര് അഭിപ്രായപ്പെടുന്നു. സമ്പത്ത് ശുദ്ധീകരിക്കാനാണിത്. ഉയര്ന്ന വരുമാനക്കാര്ക്ക് പോര്ട്ട് ഫോളിയോ മാനേജ്മെന്റ് (പി.എം.എസ്.) മാര്ഗത്തിലും നിക്ഷേപത്തിന് അവസരമുണ്ട്
ഞായറാഴ്ച, ജൂലൈ 26, 2015
അബുദാബി യിൽ മുഴങ്ങി കേൾക്കുന്ന ബാങ്ക് ധ്വനികൾക്ക് പിന്നിൽ മലയാളി !!
അബുദാബി യിൽ മുഴങ്ങി കേൾക്കുന്ന ബാങ്ക് ധ്വനികൾക്ക് പിന്നിൽ മലയാളി
അബുദാബി യിൽ മുഴങ്ങി കേൾക്കുന്ന ബാങ്ക് ധ്വനികൾക്ക് പിന്നിൽ ഒരു മലയാളി സാനിധ്യമുണ്ട്. ഷെയ്ഖ് സൈദ് ഗ്രാൻഡ് മോസ്ക് വഴി അബുധാബിയിൽ മുഴങ്ങുന്ന ബാങ്ക് ധ്വനി ഒരു തൃശൂര് സ്വദേശിയുടെതാണ്. ഇത് ആദ്യമായാണ് ഇദ്ദേഹം ഒരു ടെലിവിഷൻ ചാനലിനു മുന്നില് എത്തുന്നത്. . മാതൃഭൂമി ന്യൂസ് എസ്ക്ലുസിവ്
വെള്ളിയാഴ്ച, ജൂലൈ 17, 2015
മലയാളം ഖുര്ആന് സെര്ച്ച്.കോം !!
സത്യ സമ്പൂര്ണമായ ധാര്മിക ദര്ശനമാണ് അത്ഭുത ഗ്രന്ഥമായ വിശുദ്ധ ഖുര്ആന് ലോക ജനതയ്ക്ക് മുന്നില് കാഴ്ചവെക്കുന്നത്. കേവല ഉപമാലങ്കാരങ്ങളില് പോലും തെറ്റുപറ്റാത്ത സുക്ഷ്മത പുലര്ത്തുന്ന, അവതരണ കാല അന്ധ വിശ്വാസങ്ങള് അല്പ്പം പോലും കടന്നു കൂടാത്ത, ശാസ്ത്ര-ചരിത്ര വിരുദ്ധതകള് ഇല്ലാത്ത, കാല ദേശ ഭേദമന്യേ ധര്മാധര്മ്മങ്ങള് വേര്തിരിച്ചു വ്യക്തമാക്കുന്ന, മനുഷ്യനെ ഉത്കൃഷ്ട സൃഷ്ടിയെന്ന് പരിചയപ്പെടുത്തി അവനോടു ദൈവ ദൃഷ്ടാന്തങ്ങളെ പറ്റി സ്വതന്ത്രമായി ചിന്തിച്ചു മനസിലാക്കാന് ആഹ്വാനം ചെയുന്ന ഏക ഗ്രന്ഥവും ഖുര്ആന് തന്നെ.
വിശുദ്ധ ഖുര്ആന് പരാമര്ശിക്കുന്ന വിവിധ വിഷയങ്ങള് ക്രോഡീകരിച്ചു മലയാളത്തില് താരതമ്മ്യേന സരളമായി ഉപയോഗിക്കാവുന്ന ഒരു വെബ്സൈറ്റ് തയാറാക്കുക എന്ന എന്റെ ആഗ്രഹത്തില് നിന്നാണ് മലയാളം ഖുര്ആന് സെര്ച്ച്.കോം പിറക്കുന്നത്. പേര് സൂചിപ്പിക്കുന്നത് പോലെ മലയാളം ഖുറാനില് വിഷയാധിഷ്ടിതമായി വിപുലമായ അന്വേഷണം നടത്താന് സഹായിക്കുന്ന തരത്തിലാണ് ഈ വെബ്സൈറ്റ് രൂപകല്പന ചെയ്തിരിക്കുന്നത്. മാത്രവുമല്ല താല്പര്യമുള്ളവര്ക്ക് ഇതില് പരാമര്ശിക്കാത്ത ഖുര്ആനിക വിഷയങ്ങള് കൂട്ടിച്ചേര്ക്കാനും അവയുമായി ബന്ധപ്പെട്ട വിവിധ ഹദീസുകളും ലേഖനങ്ങളും പ്രഭാഷണങ്ങളും വീഡിയോ ലിങ്കുകളും നല്കുവാനുള്ള സൗകര്യവും ഉണ്ട്.
സൗദി അറേബ്യയിലെ കിംഗ് ഫഹദ് മുസ്ഹഫ് പ്രിന്റിംഗ് പ്രസ് അംഗീകരിക്കുകയും പ്രസിദ്ധീകരിക്കുകയും ചെയ്ത ചെറിയമുണ്ടം അബ്ദുല് ഹമീദ് മദനിയും സി കുഞ്ഞു മുഹമ്മദ് പറപ്പൂര് മദനിയും ചേര്ന്ന് തര്ജമ നിര്വഹിക്കുകയും ചെയ്ത "വിശുദ്ധ ഖുര്ആന് സമ്പൂര്ണ പരിഭാഷയാണ് " ഈ വെബ്സൈറ്റില് ഉപയോഗിച്ചിരിക്കുന്നത് . കുടുതല് വിവരങ്ങള്ക്ക് റഫറന്സ് പേജ് സന്ദര്ശിക്കുക.. View Reference
ഈ വെബ്സൈറ്റിന്റെ നിര്മാണ പ്രവര്ത്തനത്തിലും വിഷയ ക്രമീകരണത്തിലും ഡേറ്റ എന്ട്രിയിലും പരിശോധനയിലും എന്നെ ഏറെ സഹായിച്ച മലപ്പുറം സ്വദേശിയും കരുനാഗപ്പള്ളി എഞ്ചിനീയറിംഗ് കോളേജിലെ അവസാന വര്ഷ വിദ്യാര്ത്ഥിയുമായ നവാസ് , എന്റെ സഹോദരി ഷൈനി, ആശയ പൂര്ണതയ്ക്ക് വേണ്ടി പ്രവര്ത്തിച്ച എന്റെ ഭാര്യ റസീന, ഏറെ പ്രോത്സാഹിപ്പിച്ച വിദ്യാഭ്യാസ ചിന്തകനും പരിശീലകനുമായ എ.പി.നിസാം, ഡിസൈന് ചെയ്തു സഹായിച്ച ഹാഫിസ് എന്നിവരുടെ പ്രവര്ത്തനം വിലമതിക്കാനാവാത്തതാണ്. നമ്മുടെ എല്ലാ നല്ല പ്രവര്ത്തനങ്ങള്ക്കും അല്ലാഹു മഹത്തായ പ്രതിഫലം നല്കി അനുഗ്രഹിക്കുമാറാകട്ടെ, ആമീന്. - for more click here
വ്യാഴാഴ്ച, ജൂലൈ 16, 2015
പതിനൊന്നുകാരന് ഷുഹൈബ് അബ്ദുള്ള ഷെല്ലി ഖുറാന് മനഃപാഠമാക്കി !!
അല്ഐന്: ലോകത്തില് ഏറ്റവും കൂടുതല് വായിക്കപ്പെട്ട ഇസ്ലാമിക അടിസ്ഥാന ഗ്രന്ഥമായ പരിശുദ്ധ ഖുറാന് മനഃപാഠമാക്കിക്കൊണ്ട് അല്ഐനിലെ മലയാളി ബാലന് ശ്രദ്ധ നേടുന്നു. തൃശ്ശൂര് ജില്ലയിലെ പാടൂര് സ്വദേശിയായ ഷുഹൈബ് അബ്ദുള്ള ഷെല്ലി എന്ന 11 വയസ്സുകാരനാണ് ഈ അപൂര്വ നേട്ടത്തിനുടമ. അല്ഐന് ദാറുല് ഹുദ ഇസ്ലാമിക് സ്കൂളില് ആറാം ക്ലാസ്സില് പഠിക്കുന്ന ഷുഹൈബ് എട്ടുമാസം കൊണ്ടാണ് ഖുറാന് മനഃപാഠമാക്കിയത്. നിരവധി സംഘടനകളും വ്യക്തികളും ഇതിനകംതന്നെ ഷുഹൈബിനെ ആദരിക്കുകയുണ്ടായി. ഖുറാനിലെ 114 അധ്യായങ്ങളിലായുള്ള 6,236 സൂക്തങ്ങള് (30 ഭാഗങ്ങള്) കാണാതെ ചൊല്ലാന് സാധിക്കുമ്പോള് ഖുറാന് അവതരിച്ച റംസാന് മാസം ഷുഹൈബിന് ഇരട്ടി സന്തോഷം പകരുന്നു.
തിങ്കളാഴ്ച, ജൂലൈ 06, 2015
ഓഹരിയില് നിക്ഷേപിക്കാം ശരിഅത്ത് മാര്ഗത്തില് !!
മുസ്ലിങ്ങള്ക്ക് ഓഹരിയില് നിക്ഷേപിക്കാമോ?' ഇസ്ലാംമത വിശ്വാസികളില് നിന്ന് നിരന്തരം ഉയരുന്ന സംശയമാണ് ഇത്. ശരിഅത്ത് അനുശാസിക്കുന്ന രീതിയില് മുസ്ലിങ്ങള്ക്ക് ഓഹരി നിക്ഷേപം സാധ്യമാണ്. പലിശ വരുമാനം നല്കുന്ന നിക്ഷേപ മാര്ഗങ്ങള് മുസ്ലിങ്ങള് 'ഹറാം' (നിഷിദ്ധം) ആയാണ് കണക്കാക്കുന്നത്. അതിനാല്, തന്നെ ബാങ്ക് ഫിക്സഡ് ഡെപ്പോസിറ്റ് പോലുള്ള നിക്ഷേപ മാര്ഗങ്ങളില് നിന്ന് വിട്ടുനില്കുന്ന വിശ്വാസികള്ക്ക് പലപ്പോഴും ആശ്രയം റിയല് എസ്റ്റേറ്റും സ്വര്ണവുമൊക്കെയാണ്. എന്നാല്, റിയല് എസ്റ്റേറ്റ് നിക്ഷേപത്തിന് കൂടുതല് മുതല്മുടക്ക് വേണമെന്നത് ഒരു പോരായ്മയാണ്. മാത്രമല്ല, എളുപ്പം വിറ്റ് പണമാക്കുന്നതിനും പരിമിതികളുണ്ട്. അതുകൊണ്ട് തന്നെ ഇസ്ലാം മതവിശ്വാസികള്ക്ക് ഏറ്റവും അനുയോജ്യമായ നിക്ഷേപ മാര്ഗങ്ങളിലൊന്നാണ് ഓഹരി. കുറഞ്ഞ മുതല്മുടക്കില് നിക്ഷേപം തുടങ്ങാം. നഷ്ടസാധ്യത കൂടുതലാണെങ്കിലും ദീര്ഘകാലയളവില് മറ്റേതൊരു നിക്ഷേപത്തെക്കാളും ഉയര്ന്ന റിട്ടേണ് പ്രതീക്ഷിക്കാം. പക്ഷെ, തെറ്റിദ്ധാരണകള് മൂലം പലരും ഈ നിക്ഷേപ മാര്ഗത്തോട് മുഖം തിരിക്കുകയാണ്. ഹറാം അല്ലാത്ത മേഖലകളില് ബിസിനസ് നടത്തുന്ന കമ്പനികളിലെ ഓഹരികള് തിരഞ്ഞെടുത്ത്, ശരിഅത്ത് മാര്ഗത്തില് നിക്ഷേപം നടത്തുകയാണ് ഇസ്ലാംമത വിശ്വാസികള് ചെയ്യേണ്ടത്. ബാങ്കുകള്, ബാങ്കിതര ധനകാര്യ സ്ഥാപനങ്ങള്, മദ്യക്കമ്പനികള്, സിഗരറ്റ് കമ്പനികള്, പന്നിയിറച്ചി വില്ക്കുന്ന കമ്പനികള് എന്നിവയുടെ ഓഹരികളോടാണ് വിലക്ക് കല്പിക്കുന്നത്. മള്ട്ടിപ്ലെക്സ് ശൃംഖല, സിനിമാ നിര്മാണം തുടങ്ങിയ വിനോദമേഖലയിലെ കമ്പനികളുടെ ഓഹരികളും ഹറാമായി കണക്കാക്കാറുണ്ട്.
ഞായറാഴ്ച, ജൂൺ 28, 2015
‘ഖുര്ആന് ലളിതസാരം’ ഇനി ഐഫോണിലും !!
കോഴിക്കോട്: പണ്ഡിതനും ഗ്രന്ഥകര്ത്താവുമായ ശൈഖ് മുഹമ്മദ് കാരകുന്ന് തയാറാക്കി വാണിദാസ് എളയാവൂര് ഭാഷാപരിശോധന നിര്വഹിച്ച ‘ഖുര്ആന് ലളിതസാരം’ ഇനി ഐഫോണിലും. ആപ്പ്ള് ഫോണ് ഉപയോക്താക്കള്ക്ക് ഡെസ്ക്ടോപ്പിലെ ‘ഐടൂന്സ്’ പ്രോഗ്രാം മുഖേനയോ അതല്ളെങ്കില്, ആപ്പ്ള് സ്റ്റോറിലൂടെ നേരിട്ടോ സൗജന്യമായി ഡൗണ്ലോഡ് ചെയ്യാം.
കോഴിക്കോട് ഹിറാ സെന്ററില് നടന്ന ചടങ്ങില് ജമാഅത്തെ ഇസ്ലാമി ജനറല് സെക്രട്ടറി എം.കെ. മുഹമ്മദലി ഒൗപചാരിക ഉദ്ഘാടനം നിര്വഹിച്ചു. ഡിഫോര് മീഡിയ വികസിപ്പിച്ച ഈ ഐ.ഒ.എസ് പതിപ്പ് ഐഫോണിലും ഐപാഡിലും ഒരുപോലെ പ്രവര്ത്തിക്കുന്ന ഒട്ടേറെ വ്യത്യസ്തതകള് ഉള്ക്കൊള്ളുന്ന മലയാളം ആപ്ളിക്കേഷനാണ്.
ബുധനാഴ്ച, ജൂൺ 17, 2015
റമദാന് മാസപ്പിറവി അറിയിക്കണം !!
കോഴിക്കോട്: ബുധനാഴ്ച മാസപ്പിറവി കാണാന് സാധ്യതയുള്ളതിനാല് പിറവി ദര്ശിക്കുന്നവര് വിവരമറിയിക്കണമെന്ന് ഖാദിമാരായ പാണക്കാട് ഹൈദരലി ശിഹാബ് തങ്ങള് (0483 2836700), സമസ്ത കേരള ജംഇയ്യതുല് ഉലമ ജന. സെക്രട്ടറി ചെറുശ്ശേരി സൈനുദ്ദീന് മുസ്ലിയാര് (0483 2710146), കാഞ്ഞങ്ങാട് ഖാദി മുഹമ്മദ് ജിഫ്രി മുത്തുക്കോയ തങ്ങള് (9446629450), കാസര്കോട് ഖാദി കെ. ആലിക്കുട്ടി മുസ്ലിയാര് (9447630238), കോഴിക്കോട് ഖാദിമാരായ കെ.വി. ഇമ്പിച്ചമ്മദ് ഹാജി ( 0495 2703366, 9895271685), മുഹമ്മദ് കോയ തങ്ങള് (9447172149), നാസിര് അബ്ദുല് ഹയ്യ് ശിഹാബുദ്ദീന് തങ്ങള് (9447405099, 9745637811) എന്നിവര് അറിയിച്ചു.
തിരൂര്: ബുധനാഴ്ച റമദാന് മാസപ്പിറവി കാണുന്നവര് അറിയിക്കണമെന്ന് കൂട്ടായി സംയുക്ത മുസ്ലിം മഹല്ല് ജമാഅത്ത് ഖാദി ഹാജി പി.വി. അബ്ദുല് അസീസ് മൗലവി അറിയിച്ചു. മാസപപ്പിറവി കണ്ടാല് അറിയിക്കണമെന്ന് ദക്ഷിണ കേരള ജംഇയ്യത്തുല് ഉലമാ പ്രസിഡന്റ് വി.എം.മൂസ മൗലവിയും കേരള മുസ്ലിം ജമാഅത്ത് ഫെഡറേഷന് സംസ്ഥാന പ്രസിഡന്റ് കടക്കല് അബ്ദുല് അസീസ് മൗലവിയും അറിയിച്ചു. ഫോണ്: 0474 2740397, 9847075786
പൊന്നാനി: ബുധനാഴ്ച മാസപ്പിറവി കാണുന്നവര് 0494 2666352, 9847766900 എന്നീ നമ്പറുകളില് അറിയിക്കണമെന്ന് പൊന്നാനി മഖ്ദൂം എം.പി. മുത്തുകോയ തങ്ങള് അറിയിച്ചു.
റമദാന് വ്യാഴാഴ്ചയെന്ന് ഹിലാല് കമ്മിറ്റി
കോഴിക്കോട്: ശഅ്ബാന് 30 പൂര്ത്തിയാക്കി 2015 ജൂണ് 18 വ്യാഴാഴ്ച റമദാന് ഒന്നായിരിക്കുമെന്ന് കേരള ഹിലാല് കമ്മിറ്റി ചെയര്മാന് എം. മുഹമ്മദ് മദനി അറിയിച്ചു.
(courtesy: madhyamam)
വ്യാഴാഴ്ച, മേയ് 28, 2015
ലോകത്തിലെ ഏറ്റവും വലിയ ക്ഷേത്ര നിര്മ്മാണത്തിന് ബീഹാറിലെ മുസ്ലിംകള് സ്ഥലം നല്കി !!
പാട്ന: സാമൂഹ്യജീവിതത്തിന്റെ പുത്തന് മണിമുഴക്കവുമായി ബീഹാറിലെ മുസ്ലിംകള്. ഒരേ സമയം 20,000 പേര്ക്കിരിക്കാവുന്ന ലോകത്തിലെ ഏറ്റവും വലിയ ഹിന്ദുക്ഷേത്രം നിര്മ്മിക്കുന്നതിനായി സ്ഥലം സംഭാവന നല്കി മതേതരത്വത്തിന്റെ വിളക്കേന്തുകയാണ് ബീഹാറിലെ മുസ്ലിംകള്.
നാമമാത്രമായ പ്രതിഫലം വാങ്ങിയാണ് ഇവര് സ്ഥലം നല്കിയത്. ഇവരുടെ അകമഴിഞ്ഞ സഹായം ഇല്ലായിരുന്നെങ്കില് ക്ഷേത്ര നിര്മ്മാണത്തെക്കുറിച്ച് ആലോചിക്കാന് പോലും കഴിയില്ലായിരുന്നെന്ന് മഹാവീര് മന്ദിര് ട്രസ്റ്റ് സെക്രട്ടറി ആചാര്യ കിഷോര് കുനാല് അറിയിച്ചു.
ക്ഷേത്രനിര്മ്മാണത്തിന്റെ പുരോഗതികള് അന്വേഷിക്കാനും ഇവരെത്താറുണ്ട്. ബീഹാറിലെ ചംബാരന് ജില്ലയിലെ ജാനകി നഗറിലാണ് ക്ഷേത്രം നിര്മ്മിക്കുന്നത്. 500 കോടി മുതല് മുടക്കിലാണ് ക്ഷേത്ര നിര്മ്മാണമെന്നും അദ്ദേഹം അറിയിച്ചു.
മുംബൈ ആസ്ഥാനമായി പ്രവര്ത്തിക്കുന്ന വലേച നിര്മ്മാണ കമ്പനിയാണ് ക്ഷേത്രനിര്മ്മാണം ഏറ്റെടുത്തിരിക്കുന്നത്. 2500 ഫീറ്റ് നീളവും 1,296 ഫീറ്റ് വീതിയും 379 ഫീറ്റ് ഉയരമുള്ളതാണ് ക്ഷേത്രം.
ഹിന്ദുക്കള് ക്ഷേത്രത്തിന് സ്ഥലം തരുന്നത് സ്വാഭാവികമാണ്. എന്നാല്, മുസ്ലിംകള് അതിനു തയ്യാറാകുന്നത് അസ്വാഭാവികമാണ്. മൂന്ന് ഡസണ് മുസ്ലിം കുടുംബങ്ങളാണ് കുറഞ്ഞ വിലക്ക് സ്ഥലം നല്കിയത്. മുസ്ലിംകള് മുന്നോട്ട് വന്നില്ലായിരുന്നെങ്കില് പദ്ധതി നടക്കില്ലായിരുന്നെന്നും അദ്ദേഹം കൂട്ടിച്ചേര്ത്തു.
(courtesy: chandrika)
ചൊവ്വാഴ്ച, ഡിസംബർ 02, 2014
നാം ചെയ്യേണ്ടത് .... !!
സഹോദരിമാരേ നാം ഇസ്ലാമിനു നല്കിയതും നൽകേണ്ടതും
ഇസ്ലാമിലെ സ്ത്രീയെ കുറിച്ച് നിങ്ങളുടെ കാഴ്ച്ചപ്പാട് ഇങ്ങനെയാണോ ?
• സ്വാതന്ത്ര്യ മില്ലാത്തവൾ
• പർധ അണിയേണ്ടവൾ
• സഹപത്നിമാരെ സഹിക്കേണ്ടവൾ
• പിതാവിന്ടെ സ്വത്തിൽ പാതി മാത്രം ലഭിക്കേണ്ടവൾ
• ഇസ്ലാമിന്ടെ മുഴുവൻ മേഘലയും പുരുഷൻ കയ്യേറുന്നത് നിസ്സഹായതയോടെ നോക്കിക്കാണേണ്ടവൾ.
ഇത് ഇസ്ലാമിനെ അറിയാത്തവർ നമുക്ക് നൽകിയ ‘ഐഡൻന്ടിറ്റി' യാണ്.
ഇങ്ങനെ ഇസ്ലാം വിരുദ്ധർ സൃഷ്ടിച്ച സകലവിധ അപകർഷത ബോധത്തിലും പെട്ട് മുസ്ലിമാണെന്ന് പറയാൻ അറച്ചും അമുസ്ലിമാവാൻ ധൈര്യമില്ലാതെയും നരകവാരിധിയുടെ നടുവിലാണ് നാമിന്നു.
ഇസ്ലാം നമുക്ക് നൽകിയത് എന്താണെന്നു അറിയണമെങ്കിൽ, ഇസ്ലാം അവതരിക്കുന്ന കാലത്തെ പെണ്ണിന്ടെ പദവി എന്താണെന്നു നാം അറിയണം .
• യവനന്മാർ പിശാചിന്ടെ പ്രതിരൂപമായിട്ടായിരുന്നു പെണ്ണിനെ കണ്ടിരുന്നത്.
• പത്നിയെ അറുകൊല നടത്താൻ സ്വാതന്ത്ര്യം നല്കുന്നതായിരുന്നു റോമൻ നിയമ വ്യവസ്ഥ .
• ഭർത്താവിന്റെ ചിതയിൽ ചാടി മരിക്കാനായിരുന്നു ഭാരത സ്ത്രീകളോട് മതത്തിന്ടെ കൽപന .
• സ്ത്രീകൾക്ക് ആത്മാവുണ്ടോ എന്നായിരുന്നു പതിനാറാം നൂറ്റാണ്ടിൽ പാതിരിമാരുടെ ചർച്ച
• പ്രസവിക്കപ്പെട്ടത് പെണ്ണാണെങ്കിൽ ജീവനോടെ കുഴിച്ചു മൂടിയിരുന്നു അറബികൾ
ഇസ്ലാം ആദ്യമായി പെണ്ണിനു നല്കിയത് ജീവിക്കാനുള്ള അവകാശമാണ്.(16:59).പുരുഷനെ പോലെ അവൾക്കും സംബാധിക്കാനുള്ള അവകാശം നല്കുമ്പോഴും, പണിയെടുത്തു സ്വന്തത്തെയോ മറ്റുള്ളവരെയോ സംരക്ഷിക്കേണ്ട നിർബന്ധ ബാധ്യതയിൽ നിന്ന് അവൾ ഒഴിവാക്കപ്പെട്ടിരിക്കുന്നു. മറ്റൊരു മത ഗ്രന്ഥവും തന്നെ സ്ത്രീക്ക് അനന്തര സ്വത്തിൽ അവകാശമുണ്ടെന്ന് പ്രഖ്യാപിച്ചിട്ടില്ല(4:7). ഇണയെ തിരഞ്ഞെടുക്കുവാനും, വിവാഹ മൂല്യത്തിനും, വിവാഹമോചനത്തിനും ഇസ്ലാം സ്ത്രീക്ക് സ്വാതന്ത്ര്യം നല്കി. പഠിക്കുവാനും ചിന്തിക്കുവാനും സ്വാതന്ത്ര്യം നൽകപ്പെട്ടവളാണ് ഒരു മുസ്ലിം സ്ത്രീ.
കർമങ്ങൾക്കുള്ള പ്രതിഫലത്തിലും കരുണാമയനായ നാഥൻ ഒരു കുറവും വരുത്തിയിട്ടില്ല . പ്രവാചകൻ അരുളി " ഒരു സ്ത്രീ 4 കാര്യങ്ങൾ ശ്രദ്ധിച്ചാൽ അവൾ സ്വര്ഗതിന്ടെ എല്ലാ കവാടങ്ങളിലൂടെയും സ്വാഗതം ചെയ്യപ്പെടുന്നതായിരിക്കും”
കൃത്യമായ നമസ്കാരം
റമദാനിലെ ഒരു മാസക്കാല വ്രതാനുഷ്ടാനം
ഭർത്താവിനെ അനുസരിക്കുക
രണ്ടു തുടയെല്ലുകൾക്കിടയിലുള്ളതിനെയും രണ്ടു താടി എല്ലുകൾക്കിടയിലുള്ളതിനെയും സൂക്ഷിക്കുക
.............................................................................
o നമ്മുടെ മക്കളെ 7 വയസ്സു മുതൽ നമസ്കാരം ശീലി പ്പിക്കുക
അള്ളാഹുവിനു ഏറ്റവും ഇഷ്ടമുള്ള കാര്യമാണ് കൃത്യസമയത്തെ നമസ്കാരം. പരലോകത്ത് വെച്ച് നാം ആദ്യമായി വിചാരണ ചെയ്യപ്പെടുക നമസ്കാരത്തെ കുറിച്ചായിരിക്കും. ഇതു മക്കളെ ബോധ്യപ്പെടുത്തുക.അവർക്കു വിശ്വാസം വരാനായി നമ്മളും ഇക്കാര്യത്തിൽ കൃത്യത പാലിക്കുക
o റമദാനിനു വേണ്ടി ഉമ്മ ഒരുങ്ങുമ്പോൾ മക്കളും കൂടെ കൂടും. കൂടുതൽ സൂക്ഷ്മത പുലർത്തുന്നത് ആരാണ് എന്നു ഉപ്പയും ഉമ്മയും മക്കളും കൂടി റമദാനിനു മുൻപേ പന്തയം വെക്കാം.
o ഇണയെ അനുസരിക്കുക. ശരി നമ്മുടെ ഭാഗത്ത് ആണെങ്കിലും തർക്കം ഒഴിവാകുവാൻ വേണ്ടി മൌനം പാലിക്കുന്നവരെ അള്ളാഹു ഏറെ ഇഷ്ടപ്പെടുന്നു എന്ന് പ്രവാചക വചനം. അള്ളാഹുവിനു വേണ്ടി നാം നമ്മുടെ ഇണകളെ ഇഷ്ടപ്പെടുക. അല്ലാഹുവിനു വേണ്ടി അവരോടു പിണങ്ങുക. റഹ്മാനായ റബ്ബിന്ടെ അടിമകളുടെ ഒരു ലക്ഷണം അവരുടെ ഈ പ്രാർത്ഥനയാണ്
“ഞങ്ങളുടെ രക്ഷിതാവേ, ഞങ്ങളുടെ ഭാര്യമാരില് നിന്നും സന്തതികളില് നിന്നും ഞങ്ങള്ക്ക് നീ കണ്കുളിര്മ നല്കുകയും ധര്മ്മനിഷ്ഠ പാലിക്കുന്നവര്ക്ക് ഞങ്ങളെ നീ മാതൃകയാക്കുകയും ചെയ്യേണമേ എന്ന് പറയുന്നവരുമാകുന്നു അവര്.”
o നാവിനെ സൂക്ഷിക്കുക. അള്ളാഹു നല്കിയ മഹത്തായ ഈ അനുഗ്രഹം നാളെ നമ്മുടെ നരകപ്രവേശനത്തിന് നിമിത്തമാകാതിരിക്കട്ടെ. പരദൂഷണക്കാർക്കു നാളെ മഹ്ശറിൽ ചെമ്പ്കൊണ്ടുള്ള നഖങ്ങൾ നൽകുകയും അവരതു കൊണ്ട് നെഞ്ചകം മാന്തിപ്പൊളിച്ചു കൊണ്ടിരിക്കുകയും ചെയ്യും. ഖബറിൽ വെച്ചും അത്തരക്കാരെ കാത്തു വൻപിച്ച ശിക്ഷകളുണ്ട്.
o പുരുഷനോട് തന്ടെ കണ്ണുകളെ താഴ്ത്താൻ ഇസ്ലാം കൽപ്പിക്കുന്നു. കയ്യിൽ കാശില്ലാത്തവൻ കണ്ണാടിക്കൂട്ടിലെ പലഹാരം കണ്ടിരുന്നാൽ അവന്റെ വിശപ്പു കൂടും. വികാര ശമനത്തിനായി തങ്ങളുടെ ഇണകളെ പ്രാപിച്ചില്ല എന്നതായിരുന്നു ലൂത്ത് നബിയുടെ ജനതക്കെതിരെ അല്ലാഹു പറഞ്ഞ കാരണം . സഹോദരിമാരെ നാം അത്തരം പലഹാരങ്ങളായി മാറാതിരിക്കുക.
ഇങ്ങനെ നാം ജീവിച്ചു ,നമ്മുടെ മക്കളെയും വളർത്തി നമുക്കു സന്മാർഗം കാണിച്ചു തന്ന ഉടമസ്ഥനായ നാഥനോടുള്ള നമ്മുടെ നന്ദി കാണിക്കുക. പ്രവാചകൻ പറഞ്ഞു " ഈ ദുനിയാവു മുഴുവനും ചരക്കുകളാണ്. അതിലേറ്റവും വിലപിടിപ്പുള്ള ചരക്കു സൽസ്വഭാവിയായ ഒരു പെണ്ണാണ് എന്ന് . അത്തരത്തിലുള്ള അപൂർവ മുത്തുകളാക്കി വളർത്തുക നമ്മുടെ പെണ്മക്കളെ. അങ്ങനെയുള്ള മാതാപിതാക്കൾക്ക് അല്ലാഹു സ്വര്ഗം കൊണ്ട് സാന്തോഷ വാർത്ത അറിയിക്കുന്നു.
വ്യാഴാഴ്ച, നവംബർ 06, 2014
ശനിയാഴ്ച, ഒക്ടോബർ 25, 2014
തര്തീല് ‘എക്സ്പോ’ : ഒറ്റപ്പേജ് ഖുര്ആന് മുതല് ഉള്ളംകൈയിലേതുവരെ !!
കണ്ണൂര്: ഉള്ളംകൈയില് ഒതുങ്ങുന്നത് മുതല് ഒറ്റപ്പേജില് മുഴുസൂക്തങ്ങളും ഉള്ക്കൊള്ളുന്ന വിശുദ്ധ ഖുര്ആന്െറ വിവിധ മോഡലുകള്. വിവിധ ലോകഭാഷകളിലെ ഖുര്ആന് പ്രതികള് നിരവധി. ഇന്ന് കണ്ണൂരില് ആരംഭിക്കുന്ന ഗേള്സ് ഇസ്ലാമിക് ഓര്ഗനൈസേഷന് കേരളയുടെ തര്തീല്-14ന്െറ ഭാഗമായി സ്റ്റേഡിയം കോര്ണറില് ആരംഭിച്ച എക്സ്പോയിലാണ് വേദത്തിന്െറ വ്യത്യസ്ത ശ്രേണികളുടെ അപൂര്വ ശേഖരം പ്രദര്ശിപ്പിച്ചിരിക്കുന്നത്.
വെള്ളിയാഴ്ച, ഒക്ടോബർ 17, 2014
ഖുർആ കഥകൾ കാർട്ടൂണ് ആനിമേഷൻ !!
ഖുർആ കഥകൾ കാർട്ടൂണ് ആനിമേഷൻ രണ്ടാം ഭാഗം പുറത്തിറങ്ങി. ഈ ഭാഗത്തിൽ
ഉൾപെടുത്തിയിരിക്കുന്നത് രണ്ട് കഥകൾ. 1) ഇബ്രാഹിം (അ) യും പക്ഷികളും, 2).
യൂസുഫ് (അ) യും ചെന്നായയും. ദൈര്ഘ്യം : ഒരു മണിക്കൂർ 10 മിനുട്ട്, വില 99/-
. വി.പി.പി സൗകര്യം ലഭ്യമാണ്. വിളിക്കേണ്ട നമ്പര് : 0495-2431981,
9567763813.
Please see the TRAILER of this film
http://www.youtube.com/watch?v=vU3hcXgojCY
ബുധനാഴ്ച, സെപ്റ്റംബർ 10, 2014
ചേരമാന് പെരുമാളിന്െറ ജീവിതം സിനിമയാകുന്നു !!
കൊടുങ്ങല്ലൂര്: ചേരമാന് പെരുമാളിന്െറ ഐതിഹാസിക ജീവിതത്തിന് ചലച്ചിത്രാവിഷ്കാരം. മലയാളിയുടെ പ്രിയനടന് മമ്മൂട്ടി ചേരമാന് പെരുമാളായി വേഷമിടുമ്പോള് ആറ്റന്ബറോവിന്െറ ഗാന്ധിചിത്രത്തില് ഗാന്ധിജിയെ അനശ്വരനാക്കിയ ബെന്കിങ്സിലി തുല്യപ്രാധാന്യമുള്ള മാലിക്ബിന് ദിനാറിനെ അവതരിപ്പിക്കുന്നു.‘ദി കംപാനിയന്’എന്ന ബഹുഭാഷാ ബിഗ്ബജറ്റ് ചിത്രം സംവിധാനം ചെയ്യുന്നത് പ്രമുഖ ബോളിവുഡ് സംവിധായകന് ഷുജ അലിയാണ്.ചേരമാന് പെരുമാളിന്െറ ജീവിതവും മാലിക്ബിന് ദിനാറിന്െറ സഞ്ചാരങ്ങളുമാണ് ‘ദി കംപാനിയ’ന്െറ പ്രമേയം.
ബുധനാഴ്ച, ഓഗസ്റ്റ് 06, 2014
ഹജ്ജ്: കേരളത്തിന് സീറ്റില്ല, രണ്ടാംഘട്ട കേന്ദ്ര ക്വോട്ടയിലും !!
മുന്ഗണന ഡല്ഹിക്കും ഗുജറാത്തിനും
കൊണ്ടോട്ടി: കേന്ദ്ര സര്ക്കാറിന്െറ പ്രത്യേക ക്വോട്ടയില് 69 പേര്ക്കുകൂടി ഹജ്ജിന് അവസരം. ഡല്ഹിയും ഗുജറാത്തും ഉള്പ്പെടെയുള്ള ഉത്തരേന്ത്യന് സംസ്ഥാനങ്ങള്ക്കാണ് ഭൂരിഭാഗം സീറ്റും അനുവദിച്ചത്. ലിസ്റ്റില് കേരളത്തില്നിന്ന് ആരും ഉള്പ്പെട്ടിട്ടില്ല. കേന്ദ്ര സര്ക്കാറിന് പ്രത്യേക പരിഗണനയില് 300 സീറ്റുകളിലേക്ക് തീര്ഥാടകരെ തെരഞ്ഞെടുക്കാം.
ആദ്യഘട്ടത്തില് 100 പേരുടെ ലിസ്റ്റാണ് പ്രസിദ്ധീകരിച്ചിരുന്നത്. ഇതിലും കേരളത്തില്നിന്ന് ആരും തെരഞ്ഞെടുക്കപ്പെട്ടിരുന്നില്ല.
ചൊവ്വാഴ്ച പ്രസിദ്ധീകരിച്ച ലിസ്റ്റില് ഉത്തരേന്ത്യന് സംസ്ഥാനങ്ങള്ക്കാണ് 67 സീറ്റും നല്കിയത്. തമിഴ്നാടിനും ആന്ധ്രപ്രദേശിനും ഓരോ സീറ്റ് നല്കി.
(courtesy: madhyamam)
വെള്ളിയാഴ്ച, ജൂലൈ 11, 2014
Azan Display now available in kerala !!
E-cap is a manufacturing unit established in 2003 at cochin.we are in the buisness of manufacturing unique and usefull electronic products. "e-cap" vouches quality and excellence in our products for end customers.we cater a range of products that enable customers ease their daily lives. choose "e-cap" products that proves as an unconditional partner for your daily needs. for more details go here 
ചൊവ്വാഴ്ച, ജൂലൈ 01, 2014
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)
Malayalam typing
