*ദന്തശുചീകരണം ഇസ്ലാമിൽ*
https://whatsapp.com/channel/0029Va5tOzKHAdNdRX21wv3A
ചെറിയ കര്‍മ്മങ്ങളിലൂടെ വലിയ നേട്ടങ്ങള്‍ കരസ്ഥമാക്കുക...
സയ്യിദുനാ റസൂലുല്ലാഹിﷺതങ്ങൾ പറഞ്ഞു:- മിസ്‌വാക്ക്‌ ചെയ്തുകൊണ്ടുള്ള നിസ്കാരത്തിന് അതില്ലാതെയുള്ള നമസ്കാരത്തേക്കാള്‍ 70 ഇരട്ടി പ്രതിഫലം ഉണ്ട്...
(ബൈഹഖി)
മിസ്‌വാക്ക്‌ ചെയ്യാത്ത 70 റക്അത്തുകളേക്കാള്‍ ഉത്തമം മിസ്‌വാക്ക്‌ ചെയ്തുള്ള 2 റക്അത്താണ്...
(അഹ്‌മദ്‌)
മിസ്‌വാക്ക്‌ കൊണ്ട് വുളൂഅ് ചെയ്യുന്നതിന് മുമ്പും വുളൂഇന്റെ ഇടയിലും (രണ്ട് കൈപത്തികൾ കഴുകി വായില്‍ വെള്ളം കൊപ്ലിക്കുകയും മൂക്കില്‍ വെള്ളം കയറ്റി വൃത്തിയാക്കുകയും ചെയ്യുന്നതിന് മുമ്പും നിസ്കാരത്തില്‍ പ്രവേശിക്കുന്നതിനു മുമ്പും ഉപയോഗിക്കുന്നതാണ് മുറ.
സയ്യിദുനാ റസൂലുല്ലാഹി ﷺ തങ്ങൾ വീട്ടില്‍ പ്രവേശിച്ച് കഴിഞ്ഞാല്‍ ആദ്യം ചെയ്തിരുന്ന കര്‍മ്മം മിസ്വാക്കായിരുന്നു...
സയ്യിദുനാ ശുറൈഹ്ബ്നു ഹാനി (റ) സയ്യിദത് ആഇശാ (റ)യോട് ചോദിച്ചു; വീട്ടില്‍ വന്നാല്‍ സയ്യദിനാ റസൂലുല്ലാഹി ﷺ തങ്ങൾ ആദ്യം എന്ത് ചെയ്യും..? സയ്യിദത് ആഇശാ (റ) പറഞ്ഞു, പല്ല് തേക്കും...
(മുസ്ലിം)
രോഗി മിസ്‌വാക്ക്‌ ചെയ്യുന്നത് എളുപ്പത്തില്‍ ശരീരത്തില്‍ നിന്ന് ആത്മാവ് വിട്ട് പിരിക്കാന്‍ സഹായിക്കും.
മിസ്‌വാക്ക്‌ ഒന്ന് ഉരതിയതിന് ശേഷം ഉണ്ടാകുന്ന ഉമിനീര്‍ ഇറക്കല്‍ സുന്നത്താണ്. വായ മലിനമായിട്ടുണ്ടെങ്കില്‍ പാടില്ല താനും.
മിസ്‌വാക്കിന്റെ ഇടയില്‍
اللهم بارك لي فيه يا أرحم الراحمين
*അല്ലാഹുമ്മ ബാരിക് ലീ ഫീഹി യാ അര്‍ഹമ റാഹിമീന്‍* എന്ന് ചൊല്ലല്‍ സുന്നത്താണ്...
_അർത്ഥം :- പരമകാരുണികനും കരുണാനിധിയുമായ അല്ലാഹുവേ!(മിസ്‌വാക്ക്‌ ചെയ്യുന്ന എന്റെ ഈ അമലിൽ ഉള്ള കുറവുകൾ നീക്കി ബർക്കത്ത് ചെയ്യേണമേ..._
മിസ്‌വാക്ക്‌ ഇല്ലെങ്കിൽ മിസ്‌വാക്കിന്റെ സ്ഥാനത്ത് സാധാരണ നാം ഉപയോഗിക്കുന്ന ടൂത്ത് ബ്രഷ് ഉപയോഗിക്കാൻ പറ്റുന്നതാണ്.. പക്ഷേ മിസ്‌വാക്ക്‌ ഉപയോഗിക്കൽ ആണ് ഉത്തമം.
ഉറക്കം കൊണ്ടോ മറ്റുള്ള കാരണത്താലോ വായ പകര്‍ച്ചയായിട്ടില്ലെങ്കില്‍ നോമ്പുള്ളവര്‍ ഉച്ചക്ക് ശേഷം മിസ്‌വാക്ക്‌ ചെയ്യല്‍ കറാഹത്താണ്.
മിസ്‌വാക്ക്‌ ചെയ്യുന്നതിലൂടെ ലഭിക്കുന്ന ഗുണങ്ങള്‍
01) വായ ശുചിത്വമുള്ളതാവുന്നു.
02) അല്ലാഹുﷻവിന്റെ പ്രീതി ലഭിക്കാന്‍ കാരണമാകുന്നു.
03) പല്ലുകള്‍ക്ക് നിറം ലഭിക്കുന്നു.
04) ദുര്‍ഗന്ധം ഇല്ലാതാവുന്നു.
05) ഊനിന് ബലം ലഭിക്കുന്നു.
06) മരണസമയം കലിമ ചൊല്ലാന്‍ കഴിയല്‍.
07) ബുദ്ധികൂര്‍മ്മത.
08) ഇബാദത്തിന് ഇരട്ടി പ്രതിഫലം ലഭിക്കല്‍.
09) തലയുമായി ബന്ധപ്പെട്ടുള്ള അസുഖങ്ങള്‍ നീങ്ങിക്കിട്ടല്‍.
10) അഭിവൃദ്ധി.
11) കാഴ്ചശക്തി വര്‍ദ്ധിക്കും.
12) വിചാരണ നാളില്‍ കിതാബ് വലത് കൈയില്‍ ലഭിക്കും.
13) മലക്കുകള്‍ സന്തോഷിക്കും.
14) പല്ലുകള്‍ക്ക് ബലം വര്‍ദ്ധിക്കും.
15) കഫശല്യം ഒഴിവാകും.
16) കുഷ്ടരോഗം വരാതിരിക്കല്‍.
17) സമ്പത്തും സന്താനങ്ങളും വര്‍ദ്ധിക്കും.
18) നല്ല ഖബര്‍ ജീവിതം ലഭിക്കും.
19) മരണസമയത്ത് അസ്റാഈല്‍ നല്ല രൂപത്തില്‍ സമീപിക്കും.
20) നര പിന്തും.
21) ഭക്ഷണത്തില്‍ ബറക്കത്തുണ്ടാവും.
22) ജീവിതവിശാലത.
നാം നിസാരമായി കാണുന്ന യാതൊരു പ്രയത്നവും വേണ്ടാത്ത കര്‍മ്മമായ ദന്ത ശുചീകരണത്തിന് അല്ലാഹു ﷻ നല്‍കുന്ന പ്രതിഫലം എത്രയാണെന്ന് നോക്കുക. നമ്മുടെ രക്ഷിതാവായ അല്ലാഹു ﷻ എത്ര ഔദാര്യവാനാണ് .
അതെ, ചിന്തിക്കുന്നവര്‍ക്ക് ദൃഷ്ടാന്തം ഉണ്ട്...
കേവലം വായനയില്‍ ഒതുക്കാതെ സുന്നത്തായ സമയങ്ങളില്‍ ദന്ത ശുചീകരണം കൊണ്ട് വരണമെന്നും മുത്ത് നബി സയ്യിദുനാ റസൂലുല്ലാഹി ﷺ തങ്ങളുടെ ജീവിത ചര്യ ഒരോന്നായി ജീവിതത്തില്‍ പകര്‍ത്താന്‍ ശ്രമിക്കണമെന്നും വായനക്കാരോട് ഉണര്‍ത്തുന്നു. അതിന് നമുക്ക് അല്ലാഹു ﷻ തൗഫീഖ് നല്‍കട്ടെ..,
ആമീന്‍ യാ റബ്ബൽ ആലമീൻ
നാളെ മീസാനിൽ നന്മ ഭാരം കൂടാൻ വേണ്ടിയെങ്കിലും നിങ്ങളോട് ബന്ധപ്പെട്ടവർക്കും, maറ്റു ഗ്രൂപ്പിലേക്കും ഈ അറിവ് ഫോർവേർഡ് ചെയ്ത് കൊടുക്കുക..
അറിയാനും, പഠിക്കാനും, അതിനനുസരിച്ചു പ്രവർത്തിക്കാനും അല്ലാഹു നമുക്ക് തൗഫീഖ് നൽകട്ടെ... ആമീൻ
*صَلَّى اللّٰه عَلَى مُحَمَّدْ صَلَّى اللَّهُ عَلَيْهِ وَسَلَّمْ*
*صَلَّى اللّٰه عَلَى مُحَمَّدْ صَلَّى اللَّهُ عَلَيْهِ وَسَلَّمْ*
*اَللّٰهُمَّ صَلِّ عَلَى مُحَمَّدْ يٰارَبِّ صَلِّ عَلَيْهِ وَسَلِّمْ*
ദുആ വസിയ്യത്തോടെ....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ